കണ്ണൂര് യൂണിവേഴ്സിറ്റി വൈസ് ചാന്സിലര് പുനര് നിയമനത്തിന് ഉന്നത വിദ്യാഭ്യാസ മന്ത്രി ആര് ബിന്ദു ശുപാര്ശ ചെയ്തതിന് തെളിവ് പുറത്ത്. മന്ത്രി അയച്ച കത്ത് പുറത്തു വന്നു. ഇതു സംബന്ധിച്ച് ഗവര്ണ്ണര്ക്കാണ് പ്രൊഫ.ബിന്ദു കത്ത് നല്കിയത്. വി.സി നിയമനത്തിന് ഇറക്കിയ അപേക്ഷ പിന്വലിക്കാന് ആവശ്യപ്പെട്ടതും മന്ത്രിയാണ്. സേര്ച്ച് കമ്മിറ്റി റദ്ദാക്കാനും മന്ത്രി ശുപാര്ശ ചെയ്തെന്നാണ് പുറത്തുവരുന്ന വിവരം.
കണ്ണൂര് വി.സി പുനര് നിയമനത്തിന് ഗവര്ണ്ണറോട് ആവശ്യപ്പെട്ടത് മന്ത്രിയാണെന്ന് പ്രതിപക്ഷം ആവര്ത്തിക്കുമ്പോഴും മന്ത്രി മൗനം തുടരുന്നതിനിടെയാണ് ഇപ്പോള് കത്ത് പുറത്തുവന്നിരിക്കുന്നത്. വി.സിക്ക് പുനര്നിയമനം നല്കാന് സര്ക്കാര് നോമിനിയെ ചാന്സലറുടെ നോമിനിയാക്കാന് മന്ത്രി ആവശ്യപ്പെട്ടെന്ന ഗവര്ണ്ണറുടെ വെളിപ്പെടുത്തലാണ് മന്ത്രിയെ സംശയത്തിന്റെ നിഴലിലാക്കിയത്.