പാലാരിവട്ടം പാലം അഴിമതി കേസില് അറസ്റ്റിലായി ആശുപത്രിയില് കഴിയുന്ന വി.കെ ഇബ്രാഹിം കുഞ്ഞിന് തുടര് ചികിത്സ വേണമെന്ന് മെഡിക്കല് റിപ്പോര്ട്ട്. 19ാം തീയതി കീമോ ചെയ്തുവെന്നും തുടര് ചികിത്സ വേണമെന്നും മെഡിക്കല് റിപ്പോര്ട്ട് വ്യക്തമാക്കുന്നു. ഇക്കാരണത്താല് ഇബ്രാഹിം കുഞ്ഞിനെ വിജിലന്സ് കസ്റ്റഡിയില് വിടില്ലെന്ന് മൂവാറ്റുപുഴ വിജിലന്സ് കോടതി. അര്ബുദബാധിതനായതിനാല് കസ്റ്റഡിയില് വിട്ടാല് ഇബ്രാഹിംകുഞ്ഞിന് അണുബാധയുണ്ടാകാന് സാധ്യതയുണ്ടെന്നാണ് കോടതി ചൂണ്ടിക്കാട്ടിയത്.
മെഡിക്കല് റിപ്പോട്ടില് ഇബ്രാഹിം കുഞ്ഞിന് ഗുരുതര രോഗമാണെന്ന് വ്യക്തമാക്കിയിട്ടുണ്ട്. 33 തവണ ലേക്ഷോര് ആശുപത്രയില് ചികിത്സ തേടിയിട്ടുണ്ടെന്നും മെഡിക്കല് റിപ്പോര്ട്ടില് പറയുന്നു. ആശുപത്രി മാറ്റുന്ന കാര്യത്തില് മെഡിക്കല് ബോര്ഡിന്റെ അഭിപ്രായം പരിഗണിച്ച ശേഷം തീരുമാനമെടുക്കുമെന്നും നിലവിലെ ചികിത്സ സര്ക്കാര് ആശുപത്രിയില് നല്കാന് കഴിയുമോയെന്ന് ഡിഎംഒ അറിയിക്കണമെന്നും കോടതി പറഞ്ഞു.