വിവാദ യൂട്യൂബര് വിജയ് പി നായരെ ആക്രമിച്ച കേസില് ഭാഗ്യലക്ഷ്മിക്കും സുഹൃത്തുക്കള്ക്കും ഉപാധികളോടെ മുന്കൂര് ജാമ്യം. ഭാഗ്യലക്ഷ്മി, ദിയ സന, ശ്രീലക്ഷ്മി എന്നിവര്ക്കെതിരേ ജാമ്യമില്ലാ വകുപ്പുകള് പ്രകാരമാണ് കേസെടുത്തിരുന്നത്. തുടര്ന്ന് മുന്കൂര് ജാമ്യാപേക്ഷയ്ക്കായി ഭാഗ്യലക്ഷ്മിയും സുഹൃത്തുക്കളും കോടതിയ സമീപിച്ചിരുന്നു. വിജയ് പി നായരുടെ വീട്ടില് അതിക്രമിച്ച് കയറിയിട്ടില്ലെന്നും മോഷണം നടത്തിയിട്ടില്ലെന്നുമാണ് ഭാഗ്യലക്ഷ്മിയും ഒപ്പമുണ്ടായിരുന്നവരും വാദിച്ചത്.
ജാമ്യാപേക്ഷയില് വാദം കേള്ക്കുമ്പോള് ഭാഗ്യലക്ഷ്മി അടക്കമുള്ള പ്രതികളുടെ നടപടിയെ ഹൈക്കോടതി രൂക്ഷമായി വിമര്ശിച്ചിരുന്നു. നിയമം കയ്യിലെടുക്കുന്നവര് അതിന്റെ പ്രത്യാഘാതം അനുഭവിക്കാന് തയ്യാറാകണമെന്ന് കോടതി പറയുകയും ചെയ്തിരുന്നു.