തിരുവനന്തപുരം വിമാനത്താവളം അദാനി ഗ്രൂപ്പിന് നല്കുന്നതിനെതിരെ സംസ്ഥാന സര്ക്കാര് ഹൈക്കോടതിയില്. കേന്ദ്ര നടപടി സ്റ്റേ ചെയ്യണമെന്ന് ആവശ്യപ്പെട്ട് സര്ക്കാര് ഹൈക്കോടതിയില് ഹര്ജി നല്കി. നിലവില് കേന്ദ്രസര്ക്കാര് അദാനി ഗ്രൂപ്പിന് നല്കിയ തീരുമാനം സ്റ്റേ ചെയ്യണമെന്നാണ് ഹര്ജി. വിമാനത്താവളം സ്വകാര്യ വത്കരിക്കുന്നതിനെതിരെ സര്ക്കാര് നേരത്തെ നല്കിയ അപ്പീലില് പുതിയ ഉപഹര്ജിയാണ് സമര്പ്പിച്ചിരിക്കുന്നത്.
വിമാനത്താവളം നടത്തിപ്പ് അദാനിക്ക് കൈമാറുന്നതിനെതിരെ നിയമസഭ പ്രമേയം പാസാക്കുന്നതിന് ഇന്നലെ തീരുമാനമായിരുന്നു. മുഖ്യമന്ത്രി വിളിച്ച സര്വകക്ഷി യോഗത്തിലാണ് തീരുമാനമുണ്ടായത്. സര്വകക്ഷിയോഗത്തില് ബിജെപി ഒഴികെ എല്ലാ കക്ഷികളും വിമാനത്താവള സ്വകാര്യവത്കരണത്തെ എതിര്ത്തു. നിയമ നടപടികള് തുടരുന്നതിനൊപ്പം ഒറ്റക്കെട്ടായി ഈ വിഷയത്തില് മുന്നോട്ടുപോകാന് യോഗം തീരുമാനിച്ചിരുന്നു.