സ്വപ്‌ന സുഹൃത്താണെന്നും പല തവണ കൂടിക്കാഴ്ച നടത്തിയിട്ടുണ്ടെന്നും കസ്റ്റംസിനോട് ശിവശങ്കര്‍. സ്വര്‍ണ്ണക്കടത്തുമായി ബന്ധപ്പെട്ട് 9 മണിക്കൂറാണ് കസ്റ്റംസ് ശിവശങ്കറിനെ ചോദ്യം ചെയ്തത്. ചൊവ്വാഴ്ച വൈകിട്ട് 5.30ന് തുടങ്ങിയ ചോദ്യം ചെയ്യല്‍ അവസാനിച്ചത് ബുധനാഴ്ച പുലര്‍ച്ചെ രണ്ടേകാലോടെയാണ്.
പലതവണ സ്വപ്‌നയും സരിത്തും സന്ദീപുമായി കൂടിക്കാഴ്ച നടത്തി എന്ന് സമ്മതിച്ചു എങ്കിലും ഇവരുമായുള്ള കൂടിക്കാഴ്ചകള്‍ സംബന്ധിച്ചുള്ള ചില ചോദ്യങ്ങള്‍ ശിവശങ്കര്‍ എതിര്‍ക്കുകയോ അംഗീകരിക്കുകയോ ചെയ്തില്ലെന്നും മൗനം പാലിക്കുകയായിരുന്നു എന്നുമാണ് വിവരം. ചോദ്യം ചെയ്യലിനോട് ശിവശങ്കര്‍ പൂര്‍ണ്ണമായും സഹകരിച്ചു എന്ന വിലയിരുത്തലാണ് കസ്റ്റംസ് ഉദ്യോഗസ്ഥര്‍ക്കുള്ളത്.
ഇപ്പോള്‍ നല്‍കിയിരിക്കുന്ന മൊഴി വിശദമായി പരിശോധിച്ചതിന് ശേഷം തുടര്‍ന്നുള്ള ചോദ്യം ചെയ്യല്‍ നടക്കും. ഇപ്പോള്‍ പ്രാഥമികമായ ചോദ്യം ചെയ്യല്‍ മാത്രമാണ് നടന്നത്.