കൊല്ലം
പുതുവത്സര ആഘോഷം കഴിഞ്ഞ് മടങ്ങവേ അപകടത്തില്‍ പെട്ട് കൊല്ലത്ത് ആറു എഞ്ചിനീയറിംഗ് വിദ്യാര്‍ഥികള്‍ മരിച്ചു. ഇവര്‍ സഞ്ചരിച്ച കാര്‍ മറ്റൊരു വാഹനത്തിനെ മറികടക്കുന്നതിനിടെ ടാങ്കര്‍ ലോറിയുടെ അടിയിലേക്ക് പാഞ്ഞുകയറുകയായിരുന്നു. ആറുപേരും സംഭവസ്ഥലത്ത് തന്നെ മരിച്ചു.
ടി.കെ.എം എഞ്ചിനീയറിംഗ് കോളേജിലെ മൂന്നാം വര്‍ഷ വിദ്യാര്‍ഥികളാണ് അപകടത്തില്‍ പെട്ടവര്‍. വര്‍ക്കല ബീച്ചില്‍ പുതുവത്സര ആഘോഷത്തില്‍ പങ്കെടുത്ത് ശേഷം തിരികെ വരുന്ന വഴി ദേശീയപാതയില്‍ ചാത്തന്നൂരില്‍ വെച്ച് പുലര്‍ച്ചെ രണ്ടരയോടെയായിരുന്നു അപകടം.
കൊല്ലം തിരുമുല്ലാവാരം സ്വദേശി നിക്സണ്‍ എബി മാത്യു, കിളികൊല്ലൂര്‍ സ്വദേശി അജു പ്രകാശ്, കരിക്കോട് സ്വദേശി സയ്യദ് ഇന്‍സമാം എ. തങ്ങള്‍, കോതമംഗലം സ്വദേശി അരുണ്‍ കെ. സാബു, കോഴഞ്ചേരി സ്വദേശി സിജോ ജോര്‍ജ് ജോണ്‍ എന്നിവരാണ് മരിച്ചത്.