കൊറിയന് ഉപഭൂഖണ്ഡത്തില് ഏത് നിമിഷവും ഒരു ആണവയുദ്ധം പൊട്ടിപ്പുറപ്പെടുന്ന അപകടകരമായ സ്ഥിതിവിശേഷം സൃഷ്ടിക്കുകയാണ് യു.എസ് എന്ന് ഉത്തര കൊറിയ. സൈനിക നടപടിയ്ക്ക് യു.എസ് മുതിരുകയാണെങ്കില് ഏത് രീതിയിലുള്ള യുദ്ധത്തിനോടും പ്രതികരിക്കാന് തങ്ങള് തയ്യാറാണെന്ന് ഉത്തര കൊറിയയുടെ യു.എന് ഉപസ്ഥാനപതി കിം ഇന് ര്യോങ്ങ് പറഞ്ഞു.
കാള് വിന്സന് ആണവവാഹിനി ആക്രമണ സംഘത്തിന്റെ വിന്യാസവും ദക്ഷിണ കൊറിയയുമായി ചേര്ന്നുള്ള സൈനിക അഭ്യാസങ്ങളും ഉത്തര കൊറിയയെ ആക്രമിക്കാനുള്ള യു.എസിന്റെ നീക്കം ഗൗരവമേറിയ സ്ഥിതിയിലേക്ക് എത്തിയിരിക്കുകയാണെന്ന് ര്യോങ്ങ് നിരീക്ഷിച്ചു.