യു.എസ് പ്രസിഡന്റ് തിരഞ്ഞെടുപ്പില്‍ ഡെമോക്രാറ്റിക് പാർട്ടിയുടെ സ്ഥാനാര്‍ഥിയായി ഹിലാരി ക്ലിന്റണ്‍ ചരിത്രം കുറിച്ചു. യു.എസിന്റെ ചരിത്രത്തില്‍ ആദ്യമായാണ് ഒരു വനിതയ്ക്ക് മുഖ്യധാരാ രാഷ്ട്രീയ പാര്‍ട്ടിയുടെ പ്രസിഡന്റ് സ്ഥാനാര്‍ഥിയായി നോമിനേഷന്‍ ലഭിക്കുന്നത്‌

ഫിലാഡല്‍ഫിയയില്‍ നടന്ന ഡെമാക്രാറ്റിക് പാര്‍ട്ടിയുടെ കണ്‍വെന്‍ഷനിലാണ്‌ ഹിലാരിയുടെ സ്ഥാനാര്‍ത്ഥിത്വം ഔദ്യോഗികമായി പ്രഖ്യാപിച്ചത്. നാമനിർദ്ദേശത്തിന് വേണ്ട പ്രതിനിധി പിന്തുണ ഹിലാരി നേരത്തേ ഉറപ്പിച്ചിരുന്നു.