വർഷങ്ങളായി വളർന്നു വന്ന മതമൗലികവാദ വൃക്ഷത്തിലെ കായ്ക്കളാണ് ഇപ്പോൾ ഐ.എസ്സിൽ എത്തിപ്പെട്ടു നിൽക്കുന്ന യുവതീയുവാക്കൾ. ഈ വൃക്ഷത്തിന് യഥേഷ്ടം വളരുവാനുള്ള വെളളവും വളവും കേരളത്തിൽ അതിസുലഭമായിരുന്നു. ആ വെളളവും വളവും ഒഴിച്ചതിൽ മുഖ്യപങ്കു വഹിച്ചത് ഒരു പരിധിവരെ കേരളത്തിലെ ബുദ്ധിജീവികളും മുഖ്യധാരയിലുൾപ്പടെയുള്ള മാദ്ധ്യമങ്ങളുമാണ്.

അധിനിവേശ പദ്ധതിയുമായി വരുന്ന പാശ്ചാത്യ സാംസ്കാരികത ഒരുവശത്തും ഭാരതീയ സംസ്കാരത്തിലെ ബഹുസ്വരതകളെ നിരാകരിക്കുന്ന ഹിന്ദുത്വ സാംസ്കാരികത മറുവശത്തും നില്‍ക്കുകകയും തങ്ങളാണ് ശരിയെന്ന് ഇരുവശത്തു നിന്നും മൗലികവാദ സ്വരങ്ങള്‍ ഉയരുകയും ചെയ്യുന്ന ഒരു സാഹചര്യമല്ലേ, ഇവിടെ സംജാതമായിരിക്കുന്നത്.