സല്യൂട്ട് വിവാദത്തില്‍ പരിഹാസവുമായി ഹരീഷ് പേരടി; എന്തൊക്കെ ചെയ്യണംന്ന് ഇമ്മളെ ഗോപിയേട്ടന്റെ മോന്‍ സുര പറഞ്ഞ് തന്നിട്ടുണ്ട്

Glint Desk
Thu, 16-09-2021 03:03:15 PM ;

തൃശൂര്‍ ഒല്ലൂരില്‍ സുരേഷ് ഗോപി എം.പി, എസ്.ഐയെ വിളിച്ചു വരുത്തി സല്യൂട്ട് ചെയ്യിപ്പിച്ച സംഭവത്തില്‍ പ്രതികരണവുമായി നടന്‍ ഹരീഷ് പേരടി. വെറുതെ ട്രെയിനിങ്ങിന് പോയി സമയം കളഞ്ഞു, ആദ്യമേ മൂപ്പരുടെ അടുത്ത് പോയാല്‍ മതിയായിരുന്നുവെന്നാണ്, പൊലീസ് വേഷത്തിലുള്ള തന്റെ ചിത്രം പങ്കുവെച്ച് ഹരീഷ് പേരടി കുറിച്ചത്.

'എന്തൊക്കെ ചെയ്യണം എന്തൊക്കെ ചെയ്യണ്ടാന്ന് ഇമ്മളെ ഗോപിയേട്ടന്റെ മോന്‍ സുര എനിക്ക് പറഞ്ഞ് തന്നിട്ടുണ്ട്...വെറുതെ ട്രെയിനിങ്ങിനൊക്കെ പോയി സമയം കളഞ്ഞു...ആദ്യമേ മൂപ്പരെ അടുത്ത് പോയാ മതിയായിരുന്നു', പോസ്റ്റില്‍ നടന്‍ പറയുന്നു.

ബുധനാഴ്ചയായിരുന്നു തന്നെ കണ്ടിട്ടും ജീപ്പില്‍ നിന്നിറങ്ങാതിരുന്ന എസ്.ഐയെ വിളിച്ചു വരുത്തി സുരേഷ് ഗോപി സല്യൂട്ട് ചെയ്യിപ്പിച്ചത്. താനൊരു എം.പിയാണ്, മേയര്‍ അല്ല, ഒരു സല്യൂട്ട് ആകാം. ആ ശീലമൊക്കെ മറക്കരുത് എന്ന് സുരേഷ് ഗോപി പറഞ്ഞതോടെ എസ്.ഐ സല്യൂട്ട് ചെയ്യുകയായിരുന്നു. സംഭവത്തിന്റെ വീഡിയോയും പുറത്തുവന്നിരുന്നു.

Tags: