മന്ത്രി കെ.ടി ജലീലിന്റെ ഗണ്‍മാന്റെ മൊബൈല്‍ ഫോണ്‍ കസ്റ്റംസ് പിടിച്ചെടുത്തു

Glint desk
Sat, 17-10-2020 12:05:37 PM ;

മന്ത്രി കെ.ടി ജലീലിന്റെ ഗണ്‍മാന്റെ മൊബൈല്‍ഫോണ്‍ കസ്റ്റംസ് കസ്റ്റഡിയിലെടുത്തു. വിദേശത്ത് നിന്നെത്തിയ റംസാന്‍ കിറ്റുകള്‍ സംബന്ധിച്ച് സ്വര്‍ണക്കടത്ത് കേസ് പ്രതി സരിത്ത് ഗണ്‍മാന്‍ പ്രജീഷുമായി നടത്തിയ ടെലിഫോണ്‍ സംഭാഷണങ്ങള്‍ നേരത്തെ പുറത്തുവന്നിരുന്നു. ഇതുമായി ബന്ധപ്പെട്ടുള്ള കൂടുതല്‍ പരിശോധനകള്‍ക്കാണ് മൊബൈല്‍ കസ്റ്റഡിയിലെടുത്തതെന്നാണ് വിവരം. പ്രജീഷിന്റെ എടപ്പാളിലെ വീട്ടിലെത്തിയാണ് കസ്റ്റംസ് ഉദ്യോഗസ്ഥര്‍ ഫോണ്‍ പിടിച്ചെടുത്തത്.

ഫോണിലെ വിവരങ്ങള്‍ ലഭിക്കാന്‍ കസ്റ്റംസ് കൂടുതല്‍ ശാസ്ത്രീയ പരിശോധനകള്‍ നടത്തിവരുകയാണ്. പ്രജീഷിന്റെ രണ്ട് സുഹൃത്തുക്കളെയും കസ്റ്റംസ് ഉദ്യോഗസ്ഥര്‍ ചോദ്യം ചെയ്തിട്ടുണ്ട്. നേരത്തെ കെടി ജലീലിനെ വിളിച്ച് വരുത്തി കസ്റ്റംസ് വിശദമായ മൊഴി രേഖപ്പെടുത്തിയിരുന്നു.

Tags: