Thu, 04-02-2021 06:32:38 PM ;
കാര്ഷിക സമരത്തെ അനുകൂലിച്ച് ട്വീറ്റ് ചെയ്തതിനു പിന്നാലെ, മതത്തിന്റെ പേരില് ശത്രുത പരത്തുകയും ക്രിമിനല് ഗൂഢാലോചന നടത്തുകയും ചെയ്തുവെന്ന് ആരോപിച്ച് സ്വീഡിഷ് പരിസ്ഥിതി പ്രവര്ത്തക ഗ്രേറ്റ് ത്യൂന്ബെക്കെതിരെ ഡല്ഹി പോലീസ് കേസ് രജിസ്റ്റര് ചെയ്തിരുന്നു. ഡല്ഹി പോലീസ് കേസ് രജിസ്റ്റര് ചെയ്തതിനു പിന്നാലെ വീണ്ടും കര്ഷക സമരത്തിന് പിന്തുണ അറിയിച്ച് എത്തിയിരിക്കുകയാണ് ഗ്രേറ്റ.
ഞാന് ഇപ്പോഴും കര്ഷകര്ക്കൊപ്പമാണ്. അവരുടെ സമാധാനപൂര്ണമായ പ്രതിഷേധത്തെ പിന്തുണയ്ക്കുകയും ചെയ്യുന്നു. എത്ര വലിയ അളവിലുള്ള വെറുപ്പിനും ഭീഷണികള്ക്കും മനുഷ്യാവകാശ ലംഘനങ്ങള്ക്കും അതിനെ ഒരിക്കലും മാറ്റാനാവില്ല-ഗ്രെറ്റ ട്വീറ്റില് വ്യക്തമാക്കുന്നു.